我地又入 #馬灣 玩呀，你覺得好遠? 傻啦，青衣城巴士過去都係20分鐘，第一個站落車，一入商場落扶手梯，就可以到達我地今日目的地 Cafe Roma ，真係近到你唔信! 講返正題，我地今日目標係學整pizza，製作林小姐私人兒童餐嘅主角!
原來今個暑假Cafe Roma同加拿大獲獎兒童餐具品牌 Marcus & Marcus 聯手推出「Amusing Kids Set 兒童套餐」同埋兒童薄餅工作坊，星期二至五，只要點一份兒童餐，加48蚊就可以親自製作pizza，今日林小姐就換上一身小廚師造型，跟行政總廚 Jaakko Sorsa學下野，自己親手搓pizza啦，倒茄汁啦，加配料啦.... 睇下佢幾認真!（仲要完全唔比我幫手...媽媽都想玩啊?）♡ 今日大廚仲化身playgroup 老師，教小朋友好多食材名稱同顏色添，好開心啊♡
｛好味體驗｝
?兒童餐有2款，有果汁啦，湯啦，而主菜有2款，包括番茄蝴蝶粉，同埋夏威夷薄餅，我地主菜就換成左自家製pizza啦!
?兒童套餐只係$98，全日供應，逢星期二至五，另加$48即可將主菜升級至 #自製薄餅體驗，由小朋友可親手挑選食材，製作專屬薄餅。
?兒童餐用嘅餐具係來自 Marcus & Marcus，以沙灘為主題，襯哂呢度啦!
｛好玩體驗｝
? 餐廳裏面有一個書架， 請問一好多得意圖書係小朋友拎返埋位睇， 食嘢嘅時候就最啱喇。
? 每個小朋友仲有個小盒子，裡面有唔同嘅玩具同埋填色畫冊，每個盒子都唔同咖，好驚喜!
?♂️姐姐仲同小朋友玩印水貼紙，一手星星，一手恐龍，林小姐好興奮!
⛱餐廳仲響戶外沙灘設置左遊戲區，玩車車滑梯玩堆沙，小朋友梗係開心啦～
《後記》
其實話就話玩啦，我地玩得好認真咖，媽媽第一次食到林小姐親手整嘅pizza其實有一份感動，重點係。真。係。好好。味！絕無私心讚美啊♡
#caferomahk #馬灣 #親子餐廳 #沙灘 #夏日親子活動 #抵玩 #好玩 #烹飪班 #自製pizza #親子美味體驗 #mrs1amology #caferoma
